புலிக்குத்திப்பட்டான் கல் ஆத்துகாவா - ராமிநாயனப்பள்ளி- கிருஷ்ணகிரி

11.08.2019 அன்று ஆய்வுக்காக நான்( தமிழ்செல்வன் ) ,வரலாற்று ஆசிரியர் ரவி, மாருதி மனோகரன் ஆகியோர் கல்லுகுறுக்கி ஆத்துக்காவா கால்வாய் ஓரம் சாமந்தமலை நோக்கி சென்றபோது வழியில் ராமிநாயனப்பள்ளி அனுமான் கோவிலின் பின் பக்கம் மூன்று நடுகற்களைப்பார்த்தோம் அதில் இரண்டு கவிழ்ந்த நிலையிலும் ஒன்று மட்டும் தெரியும் நிலையிலும் இருந்தது. உடனே அதை சுத்தம் செய்து பார்த்தோம் மிக அழகிய சதிக்கல் ஊர் மக்களிடம் இதை பாதுகாக்கச்சொல்லி வந்தோம். அவர்களும் கோவிலை புணரமைப்பு செய்யும் போது எடுத்து வைப்பதாக கூறினார்கள்
ஆத்துக்கால்வாய் நடுகல் herostone- KRISHNAGIRI HISTORY -KHRDT https://youtu.be/smo-lai3qwI மீண்டும் 19.02.2020. அன்று சென்று பார்த்த போது மூன்று நடுகற்களும் எடுத்து ஆலமரத்தடியில் சிறப்பாக நிறுத்தி வைக்கப்பட்டு இருந்து . இந்த நடுகற்கள் விஜயநகரர் காலத்தில் செதுக்கப்பட்ட நடுகற்கள் ஆகும் .
கிராம மக்களால் வண்ணம் தீட்டப்பட்டு வழிபாட்டில் உள்ளது. வீரன் வாள் மற்றும் வில்லோடு புலியோடு போராடும் காட்சி செதுக்கப்பட்டுள்ளது. கட்டாரியை புலியின் வாயில் குத்துவது போல் செதுக்கப்பட்டுள்ளது . அவனுடைய இரண்டு வேட்டை நாய்களும் புலியோடு போராடுகின்றன. அணிகலன்கள் அனிந்து காணப்படுகிறது. இவன் புலியோடு போராடி புலியை கொன்று தானும் இறந்ததால் இந்த நடுகல் எடுக்கப்பட்டுள்ளது . இவரின் இரண்டு மனைவியரும் இவனோடு உடன்கட்டை ஏறியுள்ளனர் . ஆகவே இதை புலிக்குத்திப்பட்டான் கல் எனவும் சதிக்கல் எனவும் அழைக்கலாம். பகுதியின் வளத்தை குறிக்கும் வகையில் கிளிகள் காட்டப்பட்டுள்ளன
இரண்டாவது நடுகல் ஒரு சதிக்கல் ஆகும் ஊருக்காக நடந்த பூசலில் போராடி இறந்துள்ளான். ஒருகையில் வாளும் ஒருகையில் கடடாரியும் வைத்துள்ளான் . இடையில் ஒரு குறுவாள் காணப்படுகிறது. அவனோடு அவனின் இரண்டு மனைவியரும் உடன்கட்டை ஏறியுள்ளனர் வளத்தினை குறிக்கும் வகையில் கிளிகள் காட்டப்பட்டுள்ளன
மூன்றாவது நடுகல் ஒரு சதிக்கல் ஆகும் ஊருக்காக நடந்த பூசலில் போராடி இறந்துள்ளான். ஒருகையில் வாளும் ஒருகையில் கடடாரியும் வைத்துள்ளான் . இடையில் ஒரு குறுவாள் காணப்படுகிறது. அவனோடு அவனின் இரண்டு மனைவியரும் உடன்கட்டை ஏறியுள்ளனர் . வளத்தினை குறிக்கும் வகையில் கிளிகள் காட்டப்பட்டுள்ளன
2 வருடங்களுக்கு முன் மண்ணில் புதையுண்டு இருந்த மூன்று நடுகற்களையும் ராமிநாயனப்பள்ளி ஊர் மக்கள் கோவில் முன் எடுத்து வைத்து பாதுகாத்திருப்பது பாராட்டுக்குறியது புலிகுத்திப்பட்டான் கல் சிறப்பு https://youtu.be/Z0vHjVuz_3Y
https://maps.app.goo.gl/NRJuqmFun8bGzffr9
உங்கள் ஊரில் இப்படி நடுகற்கள் , கல்வெட்டுகள், பழைய கோவில்கள் இருப்பின் தெரியபடுத்தவும் , நமது மாவட்டத்தின் வரலாற்றினை மேம்படுத்துவோம் . தொடர்புக்கு ஒருங்கியைப்பாளர் தமிழ் செல்வன் 9787536970 காப்பாச்சியர் சிவக்குமார் 86809 58340 மேநாள் காப்பாச்சியர் கோவிந்த ராஜ் 79045 13987 வாட்சப்குழுவில் இணைந்திட https://chat.whatsapp.com/EyXDAX0i4KB7eTAbItqtxh கிருஷ்ணகிரி வரலாற்று ஆய்வு மற்றும் ஆவணப்படுத்தும் குழு

Comments

Post a Comment

Popular posts from this blog

அதியமான் தொகரப்பள்ளிக்கு படை எடுத்து வந்த போது எதிர்த்து போரிட்டு உயிரிழந்தவர்களின் நடுகல் தொகுதி -தொகரப்பள்ளி

Image
தொகரப்பள்ளி நடுகல்தொகுப்பு வீரத்தை போற்றும் நடுகல் தொகுப்பு 13 ஆம் நூற்றாண்டு மார்கழி 27 ஆம் தேதி புதுபற்று நாட்டு துவறப்பள்ளி ( தொகரப்பள்ளி ) மீது அதியமானார் போர்தொடுத்து வந்த போது ஊரைக்காக்க அவருடன் போரிட்டு பேரகடை ஏகாம்பரன், கும்பேரகடை ,வேள்முத்தரையன் சேவகர் மணியன் ஆகியோர் வீரமரணம் அடைந்துள்ளதாக கல்வெட்டு தெரிவிக்கிறது .மொத்தம் 10 பேர் இந்த பூசலில் இறந்து அவர்களுக்காக சானாரப்பன் மலையடிவாரத்தில் நடுகல் தொகுதி அமைக்கப்பட்டுள்ளது. இன்று வரை மார்கழி 27ல் இவ்வீரர்களை வழிபட்டு வருவது மட்டுமின்றி மலை உச்சியில் விளக்கும் ஏற்றப்படுகிறது . மேலும் விரவரங்களுக்க ு https://www.khrdt.in/krishnagiri/thogarapalli இரண்டு வீரர்கள் போரிடும் காட்சி ஒருவர் ஈட்டி மற்றொருவர் வில் வைத்தும் போரிடுகிறார்கள் ஈட்டி வைத்துள்ளவனின் உடலில் அம்பு பாய்ந்து அதனால் இறந்திருக்கலாம் ,மேற்பகுதியில் அவனும் அவனுடைய மனைவியும் சிவலோகம் செல்வதாக காட்சியை அமைத்திருக்கிறார்கள் .மேல் பக்கம் இவனுடைய மனைவி உடன்கட்டை ஏறி இருவரும் சிவலோகத்தில் இருப்பது போன்று செதுக்கப்பட்டுள்ளது. இதனுடைய கல்வெட்டு கீழே கொடுக்கப்பட்...
Read more

மல்லப்பாடி - பாறை ஓவியங்கள் - கோவில்கள் , கல்வெட்டுகள்

Image
பருகூர் அருகே உள்ள மல்லபாடி என்னும் கிராமத்தில் பழமையான வரலாற்று சிறப்புமிக்க 700 நூறு ஆண்டுகள் பழமையான சிவாலயம். சிவாலயத்தை ஆய்வு செய்து திருப்பணி செய்ய அந்த மக்களுக்கு ஆலோசனை வழங்கிய போது. மல்லப்பாடி சிவனீசுவர முடையார் சிவன் ஆலயம் | Mallappadi Sivaneeswara Mudayar Shiva Temple https://youtu.be/2SXHezOPIG0 ................ தமிழகத்திலேயே முதன் முதலாக கண்டறியப்பட்ட பாறை ஓவியம். .. மல்லப்பாடியின் வரலாறு பெருங்கற்காலம் முதல் நாம் அறிந்து கொள்ளலாம். அதற்கு முன் இல்லையா என நீங்கள் கேட்கலாம் இருந்திருக்கும் நாம் ஆய்வு செய்த வகையில் தான் இதை கூறுகிறோம். கிருஷ்ணகிரி மாவட்டத்தில், திருப்பத்தூர் – பர்கூர் சாலையில் பர்கூரிலிருந்து கிழக்கே சுமார் 4 கி.மீ.தொலைவில் மல்லபாடி எனும் கிராமம் உள்ளது. இக்கிராமத்துக்குப் பின்னால் உள்ள மலை அடிவாரத்தில் சென்னைப் பல்கலைக்கழகத்தில் பண்டைய வரலாறு மற்றும் தொல்லியல் துறையின் தலைவராக இருந்த ராமன், 1978 ஆம் ஆண்டு மற்றும். 1981-82 காலகட்டத்தில் தன்னுடைய முதல் அகழ்வாய்வுக்கு இந்த இடத்தினை தேர்வு செய்தது. அந்த ஆய்வின் போது தமிழத்...
Read more

மல்லசந்திரம் -பெருங்கற்கால கற்திட்டைகள்

Image
பொ.ஆ.மு.1000லிருந்து பொ.ஆ.மு.500 கிருஷ்ணகிரியிலிருந்து 25 கி.மீ தொலைவில் கிருஷ்ணகிரியிலிருந்து – பீர்பள்ளி சாலையில் மல்லசந்திரம் எனும் மலையடிக் கிராமம் அமைந்துள்ளது. இவ்வூரிலிருந்து அரை கி.மீ தொலைவில் உள்ள மலை உச்சிப்பகுதி மோறல் பாறை என அழைக்கப்படுகின்றது. இங்கு முன்பு நூற்றுக்கணக்காண கல்திட்டைகள் காணப்பட்டுள்ளது. ஆனால் இன்று பெரும்பாலனா கல்திட்டைகள் சிதிலமடைந்த நிலையில் உள்ளன. இருப்பினும் 30 க்கும் மேற்பட்ட கல்திட்டைகள் நல்ல நிலையில் உள்ளது. இங்குள்ள மக்கள், இக் கல்திட்டைகளில் பாண்டவர்கள் வனவாசம் வந்த போது தங்கியிருந்தனர் என நம்புகின்றனர். இங்கு கிடைக்கும் பாறைகள் தட்டையாக உடையும் தன்மையில் உள்ளதால் இவை கல்திட்டைகள் அமைப்பதற்கு ஏதுவாக உள்ளது. இங்குள்ள கல்திட்டைகள் சுமார் 3 அடி முதல் 6 அடி வரை உயரமாக உள்ளது. நான்கு கற்பலகைகள் செங்குத்தாக அமைத்து அதன் மேல் பலகைக் கல்லால் மூடப்படும். பெரும்பாலும் கிழக்குப்பக்கமாக இருக்கும் கற்பலகையில் நுழைவதற்கான துளை போடப்பட்டுள்ளது. இக் கல்திட்டைகளைச் சுற்றி கற்பலகைகள் வட்டமாக சுற்றுச் சுவர் போல பதிக்கப்பட்டுள்ளது. சில சமயங்களில் இரண்டு வட்டமாக கற்...
Read more